Erdhi me avion droge, largohet nga Shqipëria piloti italian

Piloti Guido Guidi erdhi në Shqipëri me avionin e tij tip “Piper”, i cili u rrëzua në grykëderdhjen e lumit Ishëm në 15 shtator 2016, por sot po largohet nga Aeroporti i Rinasit.

Guido GuidiNuk dihet se për çfarë erdhi në Shqipëri, por dihet ajo me ç’ka u largua prej këndej, një valixhe me sendet personale.

Kjo është gjithçka çfarë duket nga fotot e siguruara nga “BalkanWeb”, të shkrepura në ambientet e aeroportit “Nënë Tereza”, teksa Guido Guidi po përgatitet për të lënë Shqipërinë, e për të fluturuar drejt Italisë.

Thuhet se piloti italian u largua nga Tirana në rrugë ajrore për një trajtim mjekësor.

Ai fitoi të drejtën për t’u ikur nga vendi ynë me kushtin që sa herë ta thërrasin autoritetet hetimore ai të paraqitet para tyre.

Ditë më parë Gjykata e Krimeve të Rënda vendosi masën e ndalimit garanci pasurore prej 10 mijë euro ndaj pilotit Guidi, derisa hetimet ndaj tij të përfundojnë.

Që do të thotë pilotit italian me vendim gjykate i është kthyer pasaporta megjithëse nëse e thërret prokuroria ai duhet ta paraqitet pranë këtij organi.

(Balkanweb)