Gjendje e jashtëzakonshme në Brazil: Vendi përfshihet nga ‘ethet e verdha’

Ministria e Shëndetësisë e Brazilit ka porositur 11.5 milionë doza vaksine për ethet e verdha.

Sëmundja ka shënuar shpërthimin më të madh në këtë vend që prej vitit 2000.

Shtatëdhjetë raste, përfshirë 40 vdekje , janë konfirmuar deri tani.

Shumica e tyre janë në zonat rurale të shtetit Minas Gerais dhe Guvernatori i shtetit ka shpallur 180 ditë gjendje të jashtëzakonshme.

Mbi 300 raste janë duke u hetuar, shkruan “BBC”.

Ethet e verdha mund të jenë potencialisht fatale dhe transmetohen nga mushkonjat.

Simptomat përfshijnë ethe, dhimbje dhe të vjella. Sëmundja mund të shkaktojë dështimin e veshkave dhe të mëlçisë, si dhe gjakderdhje.