Horoskopi për ditën e sotme

Dashi
Mos u hidhni shumë ‘përpjetë’, nëse nuk doni të rrezikoni të rrëzoheni! Duhet të qëndroni me këmbë në tokë dhe të mos përfshiheni nga aventura tepër të rrezikshme. Mendoni për pasojat e veprimeve që kryeni, do të shmangnit rrezikun për ta pësuar.
Demi
Nëse po shqyrtoni mundësinë për një udhëtim, për argëtim apo për punë, mos u ktheni mbrapa. Parashikohen përvoja shumë interesante në vijim! Mund të pasuroni bagazhin tuaj kulturor me njohje dhe njohuri të reja. Me të vërtetë shumë mirë.
Binjakët
Nëse në të kaluarën keni marrë një ndihmë të papritur, tani është koha ta ktheni favorin pa u tërhequr mbrapsht. Në fund edhe ju do të shpërbleheni. E rëndësishme është t’ia nisni mbarë. Nganjëherë gatishmëria vlen më shumë se çdo gjë tjetër.
Gaforrja
Kujdes nga kokëfortësia, sepse mund të sjellë gjëra të pakëndshme. Më mirë të udhëhiqeni nga dikush që ka më shumë përvojë se ju. Përvoja ju mëson, por nëse nuk jeni të sigurt për diçka 100%, nuk duhet as ta provoni.
Luani
Ata që varen nga ju nuk bëjnë punën e tyre ashtu siç prisni, qortojini sigurisht, por pa e bërë të madhe. Nuk keni arsye perse ta bëni. Më mirë thojini gjërat siç janë, pa shumë lojë fjalësh, në mënyrë të qartë, të drejtpërdrejtë dhe të saktë.
Virgjëresha
Krijimtari e madhe falë Hënës që ndodhet tek Bricjapi. Jeni të palodhshëm, të aftë për të punuar pa ndaluar. Megjithatë, nganjëherë nuk e kuptoni që e tejkaloni masën. Një ofertë pune duket shumë premtuese. Çfarë prisni për ta pranuar? Mos humbni kohë!
Peshorja
Keni të bëni me çështje të brendshme dhe familjare të pazgjidhura dhe mund ta shfaqni më shumë sesa duhet nervozizmin. Përpiquni ndërkaq të jeni i mirëkuptueshëm. Mund të gjeni gjithmonë një pikë të përbashkët dhe të arrini në një kompromis për të kënaqur gjithkënd.
Akrepi
Shfrytëzoni Hënën që ndodhet tek Bricjapi për të zhvilluar dhuntitë tuaja dhe të përdorni çdo mënyrë për të vënë në vijë punët. Nganjëherë nuk duhet të lodheni shumë për të rënë në sy, mjafton të zgjidhni me kujdes mundësinë më të mirë.
Shigjetari
Një ditë pa shumë bujë. Nëse mendoni se meritoni më shumë, nuk keni bërë llogaritë me ata me të cilët duhet të ndani meritat… Në fund do të dini si ta menaxhoni situatën, pasi nuk doni që të dilni keq.
Bricjapi
Me Hënën që ndodhet tek kjo shenjë, sot do të jeni më materialistë se zakonisht. Por, fatmirësisht pozicionimi i Saturnit do t’ju ndihmojë që të çlironi fantazinë. Ndoshta zgjedhja që do të bëni nuk është ajo që pritej nga ju, po përdorni imagjinatën…
Ujori
Dilni nga kllapia dhe veproni menjëherë, nëse nuk doni që të ngelni mbrapa. Për të gjetur çelësin e problemit, nevojitet që të keni qetësinë e duhur mendore dhe të mos shpejtoni për të dalë në konkluzione.
Peshqit
Ndryshime të shpejta dhe pozitive, falë pozicionimit të Hënës në lidhje me Neptunin. Në vazhdën e vendimeve të marra, popullariteti juaj do të rritet. Pak krijimtari dhe fantazi në profesion do t’ju sjellë vlerësimin e një eprori.