Kampionati Europian U-21, Shqipëria shmang Kosovën por jo Spanjën

Shqipëria dhe Kosova nuk do të përballen me njëra-tjetrën në rrugën drejt Kampionatit Europian që do të luhet në Itali dhe San Marino në verën e vitit 2019. Shorti i hedhur mëngjesin e sotëm në Nion të Zvicrës i vendosi kuqezinjtë në Grupin 2, së bashku me Irlandën e Veriut, Estoninë, Islandën, Sllovakinë dhe një kundërshtar të njohur si Spanja.

Kurse Kosova, që merr pjesë për herë të parë në këtë garë, ra në Grupin 5, ku gjenden edhe Azerbajxhani, Irlanda, Norvegjia, Izraeli e Gjermania. Sipas rregullit të vendosur nga Komiteti Ekzekutiv i UEFA-s, Kosova nuk mund të binte në një grup me Serbinë dhe Bosnjë-Hercegovinën, kurse Spanja me Gjibraltarin.

U-21 grupet

Grupi 1: Republika Çeke, Kroaci, Greqi, Moldavi, Bjellorusi, San Marino

Grupi 2: Spanjë, Sllovaki, Islandë, Shqipëri, Estoni, Irlanda e Veriut

Grupi 3: Danimarkë, Poloni, Finlandë, Gjeorgji, Lituani, Ishujt Faroe

Grupi 4: Angli, Holandë, Ukrainë, Skoci, Letoni, Andorra

Grupi 5: Gjermani, Izrael, Norvegji, Irlandë, Azerbajxhan, Kosovë

Grupi 6: Suedi, Belgjikë, Turqi, Hungari, Qipro, Malta

Grupi 7: Serbi, Austri, Rusi, Maqedoni, Armeni, Gjibraltar

Grupi 8: Portugali, Zvicër, Rumani, Uells, Bosnjë-Hercegovina, Liehtenshtein

Grupi 9: Francë, Slloveni, Mali i Zi, Bullgari, Kazakistan, Luksemburg.

Bushi-Bastari

Nëntë fitueset e grupeve do t’i bashkohen direkt Italisë si vend organizator, kurse katër të dytat me bilancin më të mirë përveçse ndaj skuadrës që renditet e fundit në secilin grup do të ndeshen mes tyre në “play-off” për të plotësuar kuadrin me 12 ekipet që do të luajnë në fazën finale.

Në pritje të kalendarit që do të përcaktohet sot me marrëveshje mes përfaqësueseve të secilit grup, UEFA ka përcaktuar datat kur do të luhen ndeshjet:

20 – 28 mars 2017
5 – 13 qershor 2017
28 gusht – 5 shtator 2017
2 – 10 tetor 2017
6 – 14 nëntor 2017
19 – 27 mars 2018
3 – 11 shtator 2018
8 – 16 tetor 2018

Play-off
12 – 20 nëntor 2018/panoramasport