Kapen shitësit e drogës në Kamzë, sekuestrohen 102 kg kanabis sativa

Një operacion antidrogë çoi në sekuestrimin e një sasi prej 102.5 kilogramë kanabis sativa dhe në pranga është vënë një 42-vjeçar nga Nikla, ndërsa në kërkim është shpallur një i ri.

Burime nga policia e Tiranës thanë se arrestimet janë bërë tek “Ura e Tapizës” në kufirin mes Krujës dhe Tiranës.

I arrestuari është Xhevdet Caca, 42 vjeç, banues në Nikël, ndërsa në gjendje të lirë po hetohet 16-vjeçari me inicialet B. C., banues në Nikël

Në kërkim është shpallur 23-vjeçari me inicialet A. S., banues në Nikël, i dënuar më parë për veprën penale të “prodhimit dhe shitje të lëndëve narkotike kryer në bashkëpunim”.

Këta persona në bashkëpunim me njëri tjetrin ushtronin aktivitetin kriminal të shitjes së lëndëve narkotike, të llojit kanabis sativa kryesisht në zonën e Kamzës

Rreth orës 16:00 në afërsi të Urës së Tapizës është konstatuar automjeti tip Mercedes Benz në të cilin ndodhej shtetasi B. C., si dhe automjeti Fiat Scudo në të cilin ndodheshin Xhevdet Caca dhe A. S., nga kontrolli i ushtruar janë gjetur dhe sekuestruar 6 (gjashtë) thasë plasmasi me ngjyrë të zezë me lëndë bimore të dyshuar të llojit “Cannabis Sattiva” ku gjatë ndërhyrjes policore A . S ka mundur të largohet dhe po punohet për kapjen e tij.

Në kuadër të këtij operacioni janë sekuestruar në cilësinë e provës materiale:

102.5 kilogramë kanabis sativa.

5 aparate celularë të markave të ndryshme.

3 automjete të markave të ndryshme.
Operacioni Ura – policia i ndjek me vrap shitesit by news-al