Kjo është telenovela turke më e mirë për vitin 2016

Amerika Latine, ndër vendet që ka transmetuar shumë prej serialeve të suksesshme turke, këtë të hënë ka organizuar edicionin e parë të ҫmimeve “Latina Turkish Awards”, pas të cilit janë dhënë vlerësimet për emrat më të njohur të kinemasë turke. Pas vlerësimit të dy aktorëve më të mirë të vitit 2016, Engin Akyurek (i njohur për rolin e Omerit te “Diamante dhe dashuri”) dhe Beren Saat (Bihter te “Dashuri e ndaluar”), në edicionin e parë të këtij eventi është dhënë edhe ҫmimi për telenovelen më të ndjekur.

Pas një votimi online, i cili përfshinte të gjithë publikun, seriali më i ndjekur dhe më i vlërësuar nga publiku i Amerikës Latine është shpallur “Dashuri e ndaluar”, i cili është transmetuar dy vjet më parë edhe në ekranin e Tv Klan. Në votim kanë marrë pjesë më shumë se 1 milionë pjesëmarrës, rezultatet e të cilëve kanë arritur në përfundimin e serialit më të ndjekur.

Pas ҫmimit për serialin më të ndjekur të 2016-ës, telenovela më e ndjekur turke në të gjitha vitet është vlerësuar “Fatmagul”, e cila ka protagonistë pikërisht dy aktorët Engin Akyurek dhe Beren Saat, të cilët u shpallën aktorët më të mirë të vitit.

Engin Akyurek dhe Beren Saat janë ndër aktorët më paguar dhe më të kërkuar të producentëve në Turqi. Megjithatë, në listën e më të votuarve ishin edhe aktorët: Tuba Buyukustun, Kivanc Tatlitug dhe Kenan Imirzalioglu.