‘Kosova’, Bushati: Mos godit poshtë brezit, Blushi: S’keni as frena dhe as busull

TIRANE– Ngjarjet e fundit në Kosovë, ndërtimi i murit në Mitrovicë, arrestimi i ish-kryeministrit Ramush Haradinaj, treni i nisur nga Beogradi me parulla antishqiptare ‘Kosova është Serbi’ ka përplasur mes tyre ministrin e Jashtëm Ditmir Bushatin dhe deputetin Ben Blushi.

Gjatë fjalës së tij, Blushi akuzoi autoritetet shqiptare se nuk ka mbajtur një qëndrim në lidhje me ngjarjen e fundit të ndodhura në Kosovë, ndërsa sipas kryeministri e ka personalizuar politikën e jashtme me Serbinë. Fill pas këtyre akuave ka replikuar Bushati, i cili pohoi se i vetmi qëllim i Blushit është komunikimi publik.

BUSHATI: SHQIPERIA I KA QENDRUAR SHUME PRANE KOSOVES
Ministri i Jashtëm, Ditmir Bushati iu përgjigj kreu-t të LIBRA-s Ben Blushi pas kritikave të tij për qeverinë Rama për diplomacinë shqiptare dhe për rolin që ajo luajti për Kosovën. Bushati tha se nuk ka asnjë vend tjetër në botë që i ka qëndruar vijimësisht Kosovës pranë dhe se hodhi poshtë akuzat se Shqipëria nuk ka reaguar pas ngjarjeve të tensionuara në veri të Kosovës

“Fakt është që Shqipëria ka kontribut në Afganisatn, Irak, Ukrainë. Fakt është që NATO po ndërmerr nismën për ndërtimin e qendrës kundër dhunës. Fakt është që s’ka asnjë vend tjetër që i ka qendruar pranë vijimësisht Kosovës, pavarësisht muskujve e trurit që kemi në dispozicion. Për sa i përket ngjarjeve të fundit në Kosovë nuk është e vërtetë që Shqipëria nuk ka reaguar, ka reaguar në nivele të ndryshme. Përsa i përket ekzekutimit është Ministria e Jashtme është zyra e Kryeministrit që merret me këto çështje. Shqipëria do vazhdojë të mbështesë mundësitë e dialogut mes Kosovës dhe Serbisë. Por që të thuash se Rama bisedon me Serbinë në kurriz të Kosovës, është komplet e pavërtetë. Më erdhi keq i dashur Ben që nuk përmende Maqedoninë dhe për rolin e politikës së jashtme shqiptare në Maqedoni. Përshëndes qëndrimin e ish-kryeministrit Sali Berisha përsa i përket këtij procesi jo të lehtë, që është ndërtuar bazuar në bindjen tonë të plotë që shqiptarët janë promotorë të stabilitetit demokratik në vend. Në këto kohë të turbullta kur bota po bëhet gjithnjë e më tepër 0 polare, Shqipëria do të vazhdojë të mbetet në kursin euroatlantik. Ky kuvend është i lutur të bëjë rezoluta që politika e jashtme të ushtrohet më mirë, por nga kjo foltore është e rëndësishme të ndajmë populizmin nga përgjegjësitë që duhet të marrë secili. Skenarët për luftë nuk janë për këto foltore. E vetmja gjë që duhet të biem dakort me tjetrin është që të forcojmë këtë trajektore që vijon të përforcohet që nga rënia e regjimit komunist,” tha Bushati.

BLUSHI: POLITIKA JONE E JASHTME, PA BUSULL
I menjëhershëm ishte reagimi i deputetit Ben Blushi, i cili replikoi me ministrin e Jashtëm, Bushati, duke i thënë se ai nuk ndau me publikun asgjë konkrete se cili ishte qëndrimi i Shqipërisë për ngjarjet e ndodhura në Kosovë. Nga foltorja e Kuvendit, Blushi pohoi se Rama e ka personalizuar politikën e jashtme, siç ishte rasti me Serbinë.

Me ironi, kreu i LIBRA-s, i kujtoi kreut të Ekzekutivit se la jashtë fushe shumë shqiptarë në “Elbasan Arena’ vetëm se do t’i vinte Aleksandër Vuciç kur luante Kombëtarja Shqiptare përballë asaj serbe.

“Unë them se Rama e ka personalizuar politikën e jashtme të Shqipërisë, siç ishte rasti me Serbinë. Unë s’po them se ministri i jashtëm i ka rënë çiftelisë duke kënduar ‘O sole mio’. Do ishte shumë mirë kjo. Nëse vjen Sandri në Elbasan Rama tha: ‘Nuk ka rëndësi se jashtë fushe rrinë shqiptarët’. Ajo që prisja unë sot ti se the. A ka njeri se kush mund të më thotë se cili ishte qëndrimi i ministrit ty jashtëm për Kosovën? Ky parlament ka detyrimin që mos të lërë politikën e jashtëm pa frena. Kjo e ndihmon Shqipërinë të orientohet, një klasë politike që për hir të vërtetës ka horizont për politikën e jashtme. Unë flisja për raportohet me Serbinë, ti fole për procedura. S’ka qëndrim për arrestimin e Haradinajt, për trenin. BE nuk ka fuqi që ti thotë: ‘Nxirre Haradinajn’. Ti the se ke folur me Majkon privatisht, mirë ke bërë. Por kjo nuk është diplomaci. Biseda jote me Pandin ka eksituar vendet europiane sa herë ju e bëni këtë punë!. Politika e Jashtme bëhet me diskutime dhe jo në ‘FB’ me foto nga shekulli i kaluar. Ju s’keni kurajo që t’i thoni atij: ‘Ktheje trenin nga Kosova’. Keni një parti në koalicion, dhe prishini një marrëdhënie me një shtet që mban një milion shqiptar. Ti Ditmir mendon kështu si unë. Kryeministri jonë është në një moshë adoleshente dhe ka mundësi të mësoj.

BUSHATI: S’ËSHTË KORREKTE TË GODASËSH POSHTË BREZIT PËR ÇËSHTJE SIGURIE
Gjatë fjalës së tij, diplomati Ditmir Bushati duke i kthyer përgjigje akuzave të Blushit, ai shtoi se Rama nuk është sheqeri i Serbisë.

“Unë bisedat me Sandrin nuk i di dhe as kam punuar me to dhe as i kam pasur miq, unë flas në emrin tim dhe për funksionin që mbaj dhe për emrin tim në këtë qeveri mund të them që Shqipëria është vendi pararojë në procesin e Berlinit. Iniciativat e Merkel janë materializuar fare mirë në Shqipëri. Mund t’ju them që ka 2 në Tiranë, se qendra e këtyre iniciative ishte Beogradi. Ja pra që politika e Edi Ramës nuk është sheqer Serbisë. Nuk është korrekte të godasësh poshtë brezit kur bëhet fjalë për çështje sigurie. Mund të thuash që jemi të korruptuar apo kriminelë, ky është talenti që ke për të rrëfyer diçka sipas mënyrës tënde, por faktet flasin vetë dhe duhet punë për të zgjidhur këto çështje.
Iu referove dhe helmatisjes së marrëdhënieve me Greqinë. Këto marrëdhënie nuk janë më të mirat, dhe duke qenë se ke votuar vetë programin u habita kur the se janë helmatisur marrëdhëniet me Greqinë për shkak të PDIU-së. Unë më tepër preferoj këtë marrëdhënie ku ne themi të vërtetën në sy, ku ne duam të sillemi të barabartë në tryezë, duke u bazuar tek e drejta ndërkombëtare dhe vlerat europiane.”, tha Bushati.
(e.f/ed.me/BalkanWeb)