Kuvendi hap tenderin për të blerë sistemin elektronik të votimit për Vettingun

TIRANË- Kuvendi i Shqipërisë hap zyrtarisht tenderin për të blerë sistemin elektronik të votimit për zgjedhjen e anëtarëve të komisionit të vettingut. Tenderi do të bëhet më 27 janar.

“Kuvendi i Shqipërisë organizon në datë 27.01.2017 ora 12.00 procedurën me objekt: Blerje sistem elektronik votimi në zbatim të ligjit 84/2016 «Për rivlerësimin kalimtar te gjyqtarëve dhe prokurorëve në Republikën e Shqipërisë»”, thuhet në njoftimin e Kuvendit.

Elektronika do të përdoret nga komisioni ad hock për të zgjedhur në mënyrë të fshehtë anëtarët e komisionit të vettingut.

Me herët opozita kishte shprehur shqetësim se sistemi nuk do të garantonte fshehtësinë e votës.
“Bazuar në Vendimin e Byrosë së Kuvendit Nr 83 , datë 12.10.2016 pika XVII, me qëllim respektimin e parimit te transparencës në procedurat administrative, kërkojmë që fillimi dhe përfundimi i procesit të përzgjedhjes së kandidatit/ ofertuesit që do të sigurojë sistemin elektronik të votimit të botohet në faqen e parlamentit. Te interesuarit te paraqiten për tërheqjen e dokumentacionit pranë Shërbimit të Prokurimit”, vijon njoftimi i Kuvendit. Me këtë sistem votimi do të zgjidhen edhe anëtarët e KLGJ dhe KLP.
Kuvendi njoftimiKuvendi njoftimi