Makina përplas një këmbësore në Mat, arrestohet drejtuesi

Një aksident me pasojë plagosjen e një adoleshenteje ka ndodhur sot në qytetin e Matit, pasi është përplasur nga një automjet.

Ngjarja ka ndodhur në aksin rrugor ‘Kryqëzimi i spitalit’ të qytetit të Burrelit, ku Ardit Xhakrosa, 20 vjeç, duke drejtuar automjetin tip “Mercedez Benz”, ka humbur kontrollin duke aksidentuar 17 vjeçaren A.K., e cila në momentin që është përplasur nga automjeti ka qenë duke kaluar në anën tjetër të rrugës.

Menjëherë pas aksidentit, adoleshentja është transportuar për ndihmë mjekësore më të specializuar në spitalin e Traumës Tiranë, ku raportohet se ndodhet jashtë rrezikut për jetën.

Policia e cila ka shkuar në vendin e ngjarjes ka bërë të mundur drejtuesin e mjetit, ndërsa materialet proceduriale i kaluan Prokurorisë Rrethit Gjyqësor Mat, për veprën penale “Shkelje e rregullave të qarkullimit rrugor”.