Pajisja e përgjimit/ “Zoto na dha urdhër që ta fusnim në Burgun e Peqinit”

Ish-shefi i Policisë në IEVP-në e Peqinit, Besnik Kaptelli, aktualisht kreu i Policisë në IEVP-në e Rrogozhinës ka thënë në Komisionin Hetimor Parlamentar për IMSI Catcher se urdhrin për futjen e punonjësit të policisë, Eltion Xhelili në mjediset e burgut e ka marrë nga ish-drejtori i përgjithshëm Artur Zoto.Xhelili akuzohet se ka drejtuar automjetin ku gjendej pajisja përgjuese për të cilën opozita akuzon mazhorancën se ka përgjuar qytetarët.

I pyetur nga deputeti Qefalia se kush e ka urdhëruar nga lart për t’u takuar me punonjësin e policisë, Kaptelli tha:“Për të marrë kontakt me këtë, drejtori i Përgjithshëm i burgjeve. Nga shërbimet e shoqërisë është shoqëruar nga punonjësi i policisë që e ka detyrë. pasi ka marrë konfirmimin nga zyra. Nuk e mbaj mend, por ka qenë një punonjës policie i radhës. Ka qëndruar automjeti në oborr, pranë zyrës së shefit të policisë”, tha ai.