Pas incidentit, një lajm i mirë për Tiranën. Elis Bakaj vishet për herë të tretë “bardheblu”

Ekipi i Tiranës nuk është në ditët më të mira dhe me përplasjen e ndodhur sot në qendrën stërvitore “Skënder Halili” mes tifozëve dhe lojtarëve, duket se situata është perkeqësuar ndjeshëm. Por në të gjithë këtë amulli, një lajm i mirë përsa i përket prurjeve në këtë merkato janari.

Elis Bakaj për herë të tretë në karrierën e tij do të mbaj veshur fanellën e Tiranës. Lojtari gati për tre muaj i ishte bashkuar kryeqytetasve, po që pas largimit nga RNK Split ishte në pritje të një oferte nga jashë. Në mungesë të saj, sot është mësuar se 29-të vjeçari ka nënshkruarsërish me “bardheblutë”.

Bakaj në sezonin 2014-2015 ka arritur të shënojë 13 gola në 27-të ndeshje, ndërsa sezonin pasardhës 14-të gola po me të njëjtin numër ndeshjesh.

Për Tiranën, Bakaj është afrimi i vetëm deri më tani në këtë merkato janari, por sipas të gjithave gjasave, ashtu siç kanë konfirmuar vetë drejtuesit e klubit, do të jetë i vetmi.