Përse Edi Rama nuk po e uron Donald Trump?!

Ashtu siç njoftojnë mediat ndërkombëtare, përfshirë ato të vendeve fqinje dhe ballkanike, gati e gjithë bota ka uruar zgjedhjen zyrtare të Donald Trump, si president i 45-të i Shteteve të Bashkuara të Amerikës.

Edhe nga Shqipëria menjëherë pas betimit të njeriut që do të udhëheq për 4 vite vendin më të fuqishëm në botë, nuk vonuan urimet nga presidenti i vendit Bujar Nishani, kreu i opozitës Lulëzim Basha dhe kryetari i Kuvendit Ilir Meta. Me kalimin e orëve, ajo që po bie në sy është mungesa e një urimi nga kryeministri i Shqipërisë Edi Rama, apo edhe nga qeveria si institucion.

Presidenti i ri i SHBA, tashmë e ka lënë pas ceremoninë e inaugurimit dhe ka nisur punën duke firmosur vendime të rëndësishme. Të gjithë e dimë që Edi Rama ngeli i shokuar nga humbja e Hilari Klinton dhe fitorja e Trump pasi të tjera hesape kishte bërë, por kjo mungesë urimi nuk ka të bëjë me Ramën si individ, por me kryeministrin dhe qeverinë e një populli, që dihet botërisht se është më pro amerikani.

Urimi për Trump është bërë edhe nga qeveri, të cilat nuk i kanë “fare qejf” Shtetet e Bashkuara të Amerikës. Nëse Rama ka vendosur që të jetë i fundit në listë, ky nuk është më problem i tij, por turpi dhe fatkeqësia e popullit shqiptarë që ka këtë kryeministër.

Nëse ndihet ende i kompleksuar nga deklaratat e papërgjegjshme që lëshoi kundër tij gjatë fushatës presidenciale, sërish është problem i tij personal, por ai në fund të ditës është kryeministër i Shqipërisë dhe nuk ka asnjë të drejtë, të turpërojë gjithë shqiptarët, pavarësisht se ata nga ana e tyre kanë përmbytur rrjete sociale me urimet më të mira, për presidenti e vendit më mik që kemi.

SYRI.net

blob:http://www.dailymotion.com/e3fce42a-0604-4ff1-9ec1-5c2055320fd1