Plagosën me thikë e mjete të forta 2 të rinj pas një konflikti, 4 të arresuar në Durrës

DURRES– 4 të rinj janë arrestuar nga policia Durrësit, ndërsa një ndiqet në gjendje të lirë , pasi akuzohen se kanë plagosur me thikë dhe mjete të tjera të forta 2 persona pas një konflikti mes tyre. Në pranga kanë rënë Erald Alushi, 20 vjeç, Edvin Bruçi 19 vjeç, Armando Reka 18 vjeç, Kevin Alushi 27 vjeç, të gjithë banues në Pjezë, Shijak. Gjithashtu filloi procedimi penal në gjendje të lirë në ngarkim të J.Gj. 18 vjeç, banues në fshatin Eminas, Shijak.

Sipas policisë ditën e djeshme në vendin e quajtur ”Katër Rrugët”, në Shijak, personat e arrestuar janë konfliktuar, për motive të dobëta. Për pasojë janë plagosur me mjete të forta, Erald Alushi, dhe me mjet prerës ”biçak” J.Gj., të cilët ndodhen në spital jashtë rrezikut për jetën. Në cilësinë e provës materiale është sekuestruar një fishek model 56.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “Plagosja e rëndë me dashje” në bashkëpunim, “Prodhimi dhe mbajtja pa leje e armëve luftarake dhe e municionit” dhe ”Prodhimi, mbajtja, blerja apo shitja pa leje e armëve të ftohta”në ngarkim të Erald Alushi. ” Plagosja e rëndë me dashje” në bashkëpunim, në ngarkim të Edvin Bruçi, Kevin Alushi, Armando Reka dhe J.Gj.