Pranga një oficeri policie në Skrapar, nën akuzë për 3 vepra penale

Një tjetër punonjës policie është vënë në pranga. Pas arrestimit të oficerit të krimeve të Policisë së Kukësit, një tjetër oficer është arrestuar pasi është vënë nën akuzë për 3 vepra penale, thanë burime nga policia për SYRI.net.

Burime nga Kontrolli i Brendshëm thanë se pasditen e djeshme kanë arrestuar Zaçe K., 44 vjeç nga Beratit, por oficer policie në Komisariatin e Policisë së Skraparit.

Ndalimi i 44-vjeçarit është bërë pas masës së sigurisë që ka dhënë Gjykata e Beratit, atë të “arrestit me burg”, shkruan SYRI.net.

Punonjësi i policisë Zaçe K., është vënë nën akuzë për “Përkrahja e autorit të krimit”, “Shpërdorimi i detyrës” dhe “ Ushtrimi i ndikimit të paligjshëm”.