Sherr për pronën, 48-vjeçari kërcënon me sëpatë 2 kushërinjtë, policia i arreston të tre

ELBASAN- Në sherr për pronën ka çuar në një përleshje mes 3 burrave të të njëjtit fis në Elbasan. Ngjarja ka ndodhur në fshatin Shinavlash, kur Mariglen e Blendi Debrova, përkatësisht 26 dhe 30 vjeç janë konfliktuar me djalin e xhaxhait të tyre Ferit Debrova 48 vjeç.

Ky i fundit pasi nuk ja ka dalë dot të zgjidhë problemin me fjalë ka marrë një sëpatë dhe ka kërcënuar 2 vëllezërit, kushërinjtë e tij se do t’i vriste. Pas përplasjes fizike, kanë mbetur të plagosur 26-vjeçari Maringlen Debrova dhe 48-veçari Ferit Debrova.

Policia thotë se ngjarja ka ardhur gjatë një konflikti për motive pronësie. Pas marrjes së njoftimit për sherrin, policia ka shkuar në vendin e ngjarjes dhe ka arrestuar të 3 burrat.
Të plagosurit ndodhen në spital jashtë rrezikut për jetën.

Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Plagosje e lehtë me dashje kryer në bashkëpunim” dhe “Kanosje”.