Shkatrrohet banda shqiptare e kokainës, lëshohen 36 urdhër-arreste

Një operacion i madh anti-drogë është zhvilluar në Itali, në zonën e Peruxhias në të cilin janë sekuestruar sasi të mëdha kokaine dhe janë gjetur edhe para të fshehura nën tokë.

Tridhjetë e gjashtë fletë arreste janë lëshuar nga Prokuroria në Peruxhia, në kuadër të hetimit të koduar “Big Rock” të Drejtorisë Anti-Mafia të Qarkut.

Në këtë operacion u zbulua një rrjet i mirëstrukturuar i trafikut të drogës i një grupi shqiptarësh të cilëve u janë konfiskuar kokainë dhe qindra mijëra euro.

Sipas mediave italiane, shqiptarët kishin ngritur një strukturë që për vite drejtonte tregtinë e kokainës në këtë zonë.

Akuzat

Nga trafiku i drogës, në posedim të paligjshëm të armëve luftarake. Siç raportojnë mediat italiane, grupi i shqiptarëve ishte në gjendje të fitonte shuma të mëdha parash duke “rekrutuar” shpërndarës nga rruga të cilët mund të shisnin deri në 200 doza kokaine në një javë.

Mësohet se droga dhe paratë ishin fshehur edhe në fshatrat edhe në pyjet e zonës së Trasimenos.