Shoqërohen 32 tifozë të Tiranës, u konfliktuan sot me ekipin

Policia e Tiranës ka shoqëruar në komisariat 32 tifozë të ekipit të Tiranës, pas dyshohet se kanë bllokuar stërvitjen e skudrës, gjatë kohës që lojtarët po stërviteshin tek kompleksi “Skënder Halili” nën drejtimin e Mirel Josës.

Ngjarja ndodhi gjatë ditës së sotme, kur tifozët e Tiranës duket se nuk e kanë përtypur akordin mes dy presidentëve, Refik Halilit dhe Gaz Demi, që Partizani ndeshjet pritëse t’i luajë në stadiumin “Selman Stërmasi”. Pjesa dërrmuese e tifozëve shpërthyen në akuza ndaj numrit 1 të klubit të Tiranës, ndërsa e cilësuan një turp të vërtetë këtë vendimin, raporton news24.

Disa tifozë kanë bërë thirrje që të bojkotoheshin ndeshjet e skuadrës. Për disa të tjerë, cilësohej e papranueshme për mbështetësit e kësaj skuadre që të shihnin Partizanin në të ardhmen të festonte një titull të mundshëm në atë që e cilësonin “shtëpinë” e tyre.