Shpërndanin drogë në universitet, 2 vëllezërit shqiptarë kapen në aeroportin e Perugias

ITALI- Shkatërrohet banda shqiptare në Itali, 2 të tjerë të arrestuar në aeroportin e Perugias. Intensifikimi i kontrollit kufitar, sot ka bërë të mundur që Policia italiane të arrestojë 2 vëllezër shqiptarë në aeroport.

Arrestimet janë bërë sapo avioni nisur nga Tirana zbriti në aeroportin e Peruxhias. Arrestimi i parë është bërë ndaj një 31-­vjeçari, i diplomuar në universitetin e Peruxhias, emri i të cilit ishte në listën e personave të kërkuar për llogari të drejtësisë italiane.

Pas verifikimeve, shqiptari, emri i të cilit nuk bëhet i ditur u arrestua, pasi ndaj tij kishte nisur hetimi për pjesë e një organizate kriminale e trafikut të kokainës.

Pas tij, në zonën e parkimit u identifikua edhe një tjetër i kërkuar, pjesë e së njëjtës bandë, që rezultoi se ishte vëllai i 31­-vjecarit. Ai, një vit më i madh, punonte si kamarier, edhe ai i kërkuar për të njëjtën akuzë. Hetuesit deklaruan se ata të dy ishin përgjegjës për shpërndarjen e kokainës në ambientet universitare.