Shqiptari masakron me thikë 3 bashkatdhetarë për një femër

Katër shqiptarë janë konfliktuar e 3 prej tyre kanë mbetur të plagosur me thikë pas një sherri për një femër. Ngjarja ka ndodhur në Toskana të Italisë, ku sipas mediave italiane, 27-vjeçari Fation Skandi ka plagosur me thikë tre shqiptarë të tjerë.

Skandi, punëtor dhe banues në Sesto Fiorentino u përfshi në një sherr gjatë festës së Vitit të Ri, e organizuar nga komuniteti shqiptar në një diskotekë. Gjithçka nisi për arsye xhelozie pasi 27-vjeçari dyshonte se një nga tre shqiptarët e tjerë në diskotekë kishte lidhje me të dashurën e tij, shkruajnë mediat lokale.

Sherri mes tyre nisi fillimisht me fjalë e më pas në përdorimin e thikës nga ana e Fation Skandit, i cili goditi shqiptarët duke i lënë të plagosur. Njëri prej shqiptarëve me një plag në bark, është në gjendje të rëndë, pasi kishte humbur 1 litër e gjysmë gjak.

Autori u arrestua disa javë më vonë nga karabinierët e Pratos. Ai u vu në pranga në aeroport pasi kishte planifikuar të merrte avionin dhe të shkonte në Shqipëri.

27-vjeçari shqiptar është dënuar me gjykim të shkurtuar. Pasi të mbarojë dënimin, ai do të deportohet me ekspuls nga Italia.