Tragjedi në Itali/ Mësuesi hero që shpëtoi shumë nxënës, humbi fëmijët e tij nga flakët

Fëmijët e një mësuesi të konsideruar hero pasi shpëtoi jetët e shumë nxënësve nga flakët që përfshinë autobusin me nxënës nga Hungaria në Itali pas një aksidenti, nuk kanë arritur t’i bëjnë ballë ngjarjes.

16 persona humbën jetën nga ai aksident, ndërsa 7 të tjerë ndodhen aktualisht në spital. Autobusi që mbante nxënës nga Hungaria, u përplas me këmbët e një ure në një autostradë në Verona. Profesori Gyrogy Vigh arriti të nxirrte shumë fëmijë nga autobusi të palënduar.

Por vetë fëmijët e tij nuk mundën t’ja dilnin për shkak të plagëve të rënda. Sipas të dhënave fillestare, autobusi kishte ardhur nga Franca dhe ishte në tranzit në Itali për t’u kthyer në vendin e Evropës Lindore. Në autobus kishte kryesisht djem, që ktheheshin nga një vendpushim malor. Trupat e disa prej tyre ishin djegur aq keq, sa do të jetë i vështirë identifikimi, thanë dëshmitarët.