TURP/ Rea me kancer kërkon të jetojë një ditë më shumë, Rama paguan kurat e Bashkim Finos

Një vajze të vogël, e cila quhet Rea, është vetëm 12-vjeçe dhe vuan nga “Karcinoma”, një lloj tumori i rëndë, i cili ka nevojë për ndërhyrje të menjëhershme jashtë shtetit, qeveria ka miratuar përmes një VKM-je, fondin për mbulimin e pjesshëm të shpenzimeve mjekësore të Bashkim Finos.

Po për Rean e gjorë, e cila sapo ka filluar jetën dhe do t’i fikë derën familjarëve nëse nuk merr kurimin e nevojshëm shumë shpejt, çfarë ka bërë qeveria dhe konkretisht kryeministri, i cili është vënë në dijeni të sëmundjes së rëndë të vajzës?

E ëma, Enkelejda i ka kërkuar ndihmë kryeministrit, por çfarë ka marrë si përgjigje ka qenë një “Block”, e cila është edhe një goditje akoma edhe më e rëndë për të voglën.

Absolutisht nuk mund të dalim kundër shpëtimit të një jete, qoftë kjo e politikanit Bashkim Fino, qoftë e Reas, apo e kujtdo tjetër. As nuk po themi se jeta e Reas vlen më shumë se e zotit Fino, por nëse vëmë në peshë mundësitë për të përballuar këtë problematikë dhe njëkohësisht nevojën për ndihmë, kush e ka më të madhe: një politikan si Fino, apo Rea pa mbështetje dhe që është vetëm 12 vjeçe?

Ky është shteti social që mendon për njerëzit? Kjo është rilindja e Ramës? Rilindin politikanët e xhepat e tyre dhe vdesin fëmijët si Rea? Mos qoftë nëse është kjo!/JOQ