Turqia thirrje Trumpit të ekstradojë Gylenin

Presidenti i Turqisë, Recep Tayyip Erdoğan, duke theksuar se Organizata Terroriste FETO paraqet kërcënim të madh jo vetëm për Turqinë, por për të gjitha vendet ku zhvillon veprimtari, tha se “Ne i informojmë të gjithë miqtë tanë në lidhje me këtë organizatë në mënyrë që të mos rrezikohen nga problemet, dhimbjet dhe dëshpërimet të cilat i kemi përjetuar ne. I besoj mbështetjes së mikut tim të nderuar Magufuli në luftën që e zhvillojmë kundër kësaj organizate në tërë kontinentin.

Ne jemi të gatshëm të marrim përsipër si përgjegjësi ta pastrojmë këtë rrjet terrorist nga Afrika përmes Fondacionit Maarif, TIKA-s dhe institucioneve tona të tjera”, raporton Anadolu Agency (AA).

Presidenti Erdoğan, i cili gjendet në Tanzani në kuadër të vizitave në Afrikë, është takuar me presidentin John Pombe Joseph Magufuli në rezidencën presidenciale.

“FETO është e rrezikshme për të gjitha shtetet ku zhvillon veprimtari”

Duke rikujtuar se Turqia ishte goditur nga tentativë për grusht shteti nga Organizata Terroriste FETO më 15 korrik, Erdoğan u shpreh: “Kjo organizatë është e rrezikshme jo vetëm për Turqinë, por për të gjitha shtetet ku zhvillon veprimtari. Këtë jam i detyruar ta them si në mik, si një vëlla. Për këtë arsye po e them këtë.”

Turqia thirrje administratës së Trumpit për të ekstraduar Gülenin

Zëvendëskryeministri dhe zëdhënës i Qeverisë së Republikës së Turqisë, Numan Kurtulmus, sot deklaroi në Ankara se shpreson që administrata e presidentit amerikan Donald Trump nuk do t’i përsëris gabimet të cilat në marrëdhëniet mes SHBA-ve dhe Turqisë i ka bërë pushteti i kaluar në Washington, raporton Anadolu Agency (AA).

“I nderuari Trump mori detyrën e presidentit të SHBA-ve dhe në këtë proces nënkuptohet se do të punojë për krijimin e kursit të politikës amerikane në kuadër të politikave globale, por edhe të Lindjes së Mesme. Shpresojmë se kjo administratë e re amerikane do të ketë perspektivë për vendosjen e paqes në Lindjen e Mesme, si dhe do të jetë iniciator i hapave të cilat do të sjellin paqe në botë”, tha Kurtulmus.

“Administrata e re të shfaqë vullnet për ekstradimin e Gülenit”

Kurtulmus, gjithashtu deklaroi se Turqia do ti përsërisë administratës së re të presidentit amerikan Donald Trump, kërkesën për ekstradimin e kreut të organizatës terroriste FETO, Fethullah Gülen.

“Është e një rëndësie të veçantë që administrata e re amerikane të shfaqë synimet e veta, që është më shumë e rëndësishme nga ndërhyrja në procesin ligjor i cili tanimë ka filluar atje. Është me rëndësi të shohim nëse administrata e Trumpit do të rreshtohet me banditin i cili udhëheq me një grusht banditësh, ose do të marrë anën e Turqisë dhe 80 milionë banorëve të saj. Në të gjitha platformat në kuadër të partneritetit, ne kemi ripërsëritur kërkesën për ekstradim të Gülenit dhe shpresojmë për një përfundim pozitiv të atij procesi”, u shpreh Kurtulmus.