Venitet BE-ja: As gjysma e italianëve nuk duan të qëndrojnë në union

Më pak se gjysma e italianëve duan që të qëndrojnë në Bashkimin Evropian, ndërkohë që më shumë se dy të tretat e tyre fajësojnë Bashkimin Evropian për shkak se nuk e kanë ndihmuar  shtetin italian lidhur  me krizën e emigrantëve, sipas një studimi të ri të publikuar dje në mbrëmje nga instituti kërkimor italian “Eurispes”.

Raporti me temë ”Italia 2017” tregon se 48,8 për qind e të anketuarve janë kundër largimit nga Bashkimi Evropian, ndërsa 29,5 për qind e italianëve janë pro një referendumi të llojit të Brexit.

Megjithatë, shumica e italianëve rreth 71,5 për qind fajësojnë Bashkimin Evropian për  mosdhënien e ndihmës në krizën e emigrantëve dhe 70,2 për qind e tyre për vendosjen e sakrificave të padrejta ekonomike.

Ndërkohë 48,5 për qind e të anketuarve deklarojnë se fuqia e tyre blerëse ka rënë këtë vit dhe rreth 77,2 për qind thonë se njohin persona të cilët nuk mund të shtyjnë muajin me pagat e tyre si dhe 24,2 për qind shprehen se janë të varfër