VIDEO / Kur Trump ngjitej në ringun e keçit, rrihte rivalin dhe i qethte flokët si “trofe”

Në vitin 2007, miliarderi Donald Trump, një figurë e suksesshme në fushën e sipërmarrjes por edhe e larmishme në botën showbiz-it, mori pjesë në një ndeshje spektakli të Wrestelemania, të World Wrestling Entertainement (WWE)
Si pjesë e spektaklit kryetari i WWE, Vince McMahon, nisi një “zënkë” me Donald Trump. Kaq mjaftoi, dhe presidenti aktual i SHBA-ve e “sfidoi” personalisht për t’u ndeshur në ring, por McMahon refuzoi, raporton “BalkanWeb”.

Ndërkaq ata ranë dakord, që secili të sillte një keçist përfaqësues, për t’u ndeshur në emër të tyre. Kështu për McMahon do të ndeshej keçisti Umaga, ndërsa për Trump do të ndeshej Bobby Lashley. Si gjyqtar i kësaj ndeshjeje ishte ftuar keçisti i mirënjohur Stone Cold Steve Austin. Kushti ishte: humbësi do të qethej “tullë”, raporton “BalkanWeb”.

Përfaqësuesi i Trump e fitoi ndeshjen. Por para se të “zyrtarizohej” fitorja Trump nuk “tregoi mëshirë” ndaj kundërshtarit të tij, duke iu hedhur përsipër si dragua, pasi ky po ndërhynte “me hile” në ndeshje. Me të fituar, Trump nuk ngurroi të merrte “trofeun” e fitores: flokët e McMahon. Ndeshje e spektaklit të WWE u quajt “Beteja e Miliarderëve”.

https://youtu.be/MMKFIHRpe7I