Video për të qeshur/ “Më presin kalamajt”, shoferi i dehur brenda komisariatit i jep ryshfet policit

U kap i dehur në timon, por si të mos mjaftonte kjo bën edhe gafën e madhe. I jep ryshfet në tavolinën e komisariatit efektivit që kërkon t’i pritet fleta e arrestit.

Ka ndodhur në Korçë dhe në pranga u vu shtetasi Linardi Muçollari, 41 vjeç, banues në Pogradec.

“Arrestimi i tij u bë pasi, ky shtetas u kap në qytetin e Pogradecit, duke drejtuar në gjendje të dehur automjetin tip “Mitsubishi”, me targë AA 502 MY. Pas shoqërimit në ambientet e Komisariatit dhe konkretisht gjatë kryerjes të procedurave ligjore, shtetasi i mësipërm i ka ofruar punonjësve të Policisë Rrugore, një vlerë prej 5.000 lekë, me qëllim që këta të fundit të shmangnin arrestimin e tij”- njofton policia.

Si duket edhe nga video, polici, pas testit të alkoolit i thotë kolegut:

Polici: Priji fletën e arrestit

Polici tjetër: do arrestohesh për tejkalim të normave të alkoolit

Shoferi: Ca thua

Shoferi hap portofolin dhe nxjerr paratë, i lë në tavolinë

Polici: Cfarë bën

Shoferi: Te iki o vlla, më presin kalamajt o burrë i dheut