VMRO: Zaev kërkon mënyrë për t’i shpëtuar drejtësisë, por s’do t’ia dalë

VMRO-DPMNE sot duke folur për shtyerjen e djeshme të procesit gjyqësor për rastin “Mitmarrja” në të cilin lideri i LSDM-së Zoran Zaev është akuzuar për kërkim të ryshfetit, vlerëson se ai kërkon mënyrë për ta evituar drejtësinë.
Në kumtesë VMRO-DPMNE thekson se me shtyerjen e djeshme të procesit gjyqësor dhe kërkesën që të përjashtohen prokurorët publik, Zaev ka zgjedhur taktikë të re që të mos përgjigjet para drejtësisë.

Sipas VMRO-DPMNE-së, Zaev dëshiron të bashkëpunojë vetëm me prokurorinë speciale publike, e cila, siç thekson, ia ka dhuruar abolimin e dytë.

“Zoran Zaev do të përgjigjet për krimin dhe do të kthejë gjithçka që ka vjedhur”, thuhet në komunikatë.