Vrasja për pazaret e prostitucionit, gjykata italiane liron shqiptarin e akuzuar

U dënua nga Gjykata e Shkalles së Parë me 12 vjet burg në 2011, por u la i lirë nga gjykata e Apelit italiane. Bëhet fjalë për shqiptarin Armando Gorezi, i cili u akuzua se në gusht të vitit 2011 ekzekutoi me 6 plumba bashkëkombësin e tij, Idrit Kuci. 42-vjeçari shqiptar, u ekstradua drejt Italisë, pasi ishte arratisur në Shqipëri.

Ansa shkuan se ky vendim është dhënë për faktin se ndaj shqiptarit të akuzuar munguan provat. Në bazë të kërkesës së gjykatës italiane, Gorezi u kap në Shqipëri, në 14 shkurt 2015 dhe më pas u ekstradua në shtetin fqinj. Pas hetimeve të organit të akuzës, pak ditë para se të ndodhte ngjarja, Kuçi kishte sulmuar e kërcënuar Gorenin, ndërsa u dyshua se shkak mund të ishte bërë prishja e pazareve të prostitucionit, apo xhelozitë personale. “Asgjë prej këtyre”, ka komentuar avokati mbrojtës i Gorezit, Basilio Foti dhe kolegu i tij, Gian Paolo Zancan, duke shtuar se: “Ne kemi pasur të drejtë, pas shumë vitesh, augmentet tona u vërtetuan se ishin të sakta. Mungonin provat”.

NGJARJA
Ngjarja e rëndë ku mbeti i vrarë me 6 plumba pistolete shqiptari Idrit Kuçi ndodhi në 6 gusht të vitit 2011 në Torino të Italisë. Si autor i dyshuar i këtij krimi ishte bashkatdhetari Armando Gorezi. Pavarësisht se ai u ekstradua në Itali, ndërsa pas shumë vitesh hetime, arriti t’i shpëtonte burgut për mungesë provash.