Zbulon tradhtinë e gruas, shqiptari në Itali plagos me thikë bashkëkombësin

Një shqiptar është arrestuar nga polica italiane, pasi ka plagosur me thikë një bashkëkombës, njoftojnë mediat italiane.

Ngjarja ka ndodhur pranë një supermareketi në Montegrotto, ndërsa shqiptari 51-vjeçar, identiteti i të cilit nuk bëhet i ditur, i është sulur me një thikë kuzhine një tjetër shqiptari duke i shkaktuar plagë në bark dhe gjymtyrët e tjera të trupit.

Nga hetimet e para të policisë italiane, mësohet se shkak i ngjarjes është bërë një raport dashurie që shqiptari i plagosur kishte me gruan e autorit që kreu sulmin.

Ky i fundit duket se nuk e ka përmbajtur veten pas zbulimit të tradhtisë duke ndërmarrë aktin ekstrem. Shqiptari i plagosur është transportuar në spital dhe ndodhet ne gjendje te rëndë për jetën.