1000 policë arrestojnë 16 persona të dyshuar për terrorizëm në Gjermani

Më shumë se njëmijë forca gjermane kanë kryer arrestime të disa personave të dyshuar për lidhje me terrorzmin pas bastisjve të 54 vendbanime, në orët e para të mëngjesit. Mes tyre është edhe një 36 vjeçar tunizian, i cili, sipas Prokurorisë së Frankfurtit kishte planifikuar një sulm terrorist. Prej gushtit 2015 ai ka qenë anëtar aktiv i ISIS.

Prokuroria nuk ka zbuluar metodën e sulmit, por ka arritur të zbulojë rrjetin e 36 vjeçarit në Gjermani. Deri tani janë arrestuar 16 persona të moshave 16 deri 46 vjeç.

Bastisjet janë kryer në qytete si Frankfurt, Offenbach, Darmstadt si dhe shumë rajone të tyre. Operacioni ka “shkatërruar një rrjet selefistësh” tha ministri i brendshëm i Hessen, Peter Beuth. Për deteja tjera pritet një konferencë shtypi gjatë mesditës.