NGJARJA E REND/ ‘Një shqiptar i pirë filloi të më ngacmojë, pastaj si kafshë të egra e nxorën jashtë dhe e vranë’

Në një intervistë për gazetën “La Stampa”, e dashura e 20-vjeçarit Emanuele Morganti, të rrahur e masakruar për vdekje nga një grup italianësh dhe të huajsh të tjerë, ka rrëfyer të gjithë ngjarjen, si nisi dhe si përfundoi në mënyrën më të keqe të mundshme.

Ketty Lisi tregoi me detaje momentin dramatik për të cilin e shokuar thotë se ende nuk e beson se ka ndodhur me të vërtetë.

“Ma morën zvarrë nga duart Emanuelen, e nxorrën jashtë dhe e vranë.  Nuk mund ta  besoj se si njerëzit mund të jenë kaq të pashpirt. Dukeshin si
kafshë të egra,” thotë ajo.

Ketty rrëfen se po pinin në një lokal nate aty ku nisi gjithçka. “Në një moment, një djalë shqiptar që ishte i pirë filloi të më ngacmojë mua. Afër tij ishte dhe një italian, por nuk dëgjohej çfarë thoshin nga muzika e lartë. Më pas Emanuele nuk duroi më dhe i bëritit: Tani mjaft! Truprojat i nxorrën jashtë ata që na ngacmuan. Por më pas kur dolëm, pamë një grup të madh personash, më shumë se 20, që ma morën Emanuelen dhe filluan ta godasin. Ishte një çmenduri e vërtetë,” tha Ketty.

20-vjeçari italian vdiq në spitalin e Romës një ditë më vonë nga plagët e marra, ndërkohë që policia po punon për zbardhjen e plotë të ngjarjes./BW