Temperaturat e larta po “thajnë” Elbasanin/ Alarmi

Temperaturat e larta dhe thatësira e tejzgjaur është duke vënë në vështirësi fermerët e Elbasanit. Për Ora News ata shprehen se po bëjnë të pamundurën për të mos lejuar tharjen e pemës, teksa bëjnë thirrje për ndihmë nga shteti sidomos në fermat e ngritura në kodra. Temperaturat e larta dhe thatësira e tej-zgjatur ka vënë në vështirësi mijëra fermerë në qarkun e Elbasanit. Në zonat kodrinore dhe malore thatësira djeg akoma më shumë.

Veli Dika është rasti i një fermeri nga Funari që po lufton me thatësirën ditë e natë. Ai ujit me kova pa pushim plantacionin me drurë, tashmë jo për të përfituar frutat e tyre, por për ti mbrojtur nga tharja që ti marrë prodhim në vitet në vazhdim. Veliu kërkon ndihmë nga shteti të shpëtojë pemët që po shkojnë drejt tharjes. Fermerët po ashtu bëjnë thirrje për më shumë mbështetje me fonde, në mënyrë që të jenë edhe më konkurues në treg.