Lushnjari bëhet trim / Godet babain me sopatë

Ilustruese

Policia e Lushnjes ka arrestuar një të ri, pasi ka plagosur me sëpatë babain e tij. Në pranga ka rënë Dritan Veliu.

Blutë bëjnë me dije se sot rreth orës 08:00 në lagjen “Xhevdet Nepravishta” Lushnje, shtetasi Dritan Veliu, 30 vjeç,  për motive të dobëta ka goditur me sëpatë babain e tij, shtetasin Kujtim Veliu, 67 vjeç.

Pasi ka goditur babain, shtetasi D.V është larguar nga vendngjarja por është kapur në flagrancë nga patrulla e policisë e cila ishte në ndjekje të tij.

Shtetasi K.V ndodhet në Spitalin e Lushnjes nën kujdesin e mjekëve në gjendje të rëndë shëndetësore.

Grupi hetimor po punon për zbardhjen e plotë të rrethanave të ngjarjes.