Argumentet ligjorë që e bëjnë nul dekretin e Metës për GJK

Sapo vuri këmbën në Rinas, Ilir Meta sot firmosi një dekret nul, pa asnjë vlerë ligjore, thjeshtë dhe vetëm për të krijuar përplasje dhe debat publik duke e trajtuar atë si faktor.

Ilir Meta sot ka firmosur një dekret, ku emëron Marsida Xhaferllarin anëtare të Gjykatës Kushtetuese.

Por, ka disa argumente ligjorë që e bëjne dekretin e tij të pavlefshëm dhe ato lidhen me kohën, rënditjen e emrave nga KED dhe kompetencat institucionale.

Le t’i marrim me radhë.

Së pari, Ilir Meta nuk mund të dekretojë Xhaferllarin si anëtare të GJK, sepse ai e ka djegur periudhën 30 ditore që i jep ligji për të dekretuar një emër nga lista e KED.

Afati fundor kur Meta mund të dekretonte anëtarin e tij të dytë për GJK (pasi i pari është dekretuar nga Meta, anëtari Besnik Muçi), ishte data 7 nëntor. Pra një javë më parë.

Së dyti, Ilir Meta është edhe në shkelje te disponimit kushtetues dhe të ligjit organik të Gjykatës Kushtetuese , që e detyron presidentin të zgjedhë një nga tre të paret e listës së KED dhe kurrësesi të katërtin e listës. NdërkoHë, Marsida Xhaferllari ka qenë e katërta në listë

Së treti, Ilir Meta jo vetëm që e ka dekretuar jashtë afatit Xhaferllarin, por duke dekretuar të katërtën e listës presidenti i ka “grabitur” një kompetencë kushtetuese nje organi tjeter kushtetues që është KED, si i vetmi organ që ka detyrimin kushtetues të prodhoje listën e kandidatëve për në GJK , për Presidentin, Kuvendin dhe Gjykatën e Lartë.