Masat anti Covid-19/ Situata del jashtë kontrollit, qytetarët në Itali përleshen me policinë

Pronarët e restoranteve në kryeqytetin italian, Romë, por dhe të tjerë të pakënaqur me masat anti Covid të qeverisë, për shkak të të cilave nuk kanë punuar për javë të tëra, u përleshën me policinë gjatë protestës.

Pronarët e restoranteve në Itali  kërkojnë rihapjen e aktivitetit të tyre. Të pakënaqur nga masat e vendosura nga qeveria për parandalimi e Covid-19  qytetarët dolën në protesta ku momentet e tensionit mes tyre dhe forcave policore nuk kanë munguar.

Dhjetëra njerëz iu afruan kordonit të policisë me duart e tyre të ngritura,  duke kënduar dhe duke kërkuar heqjen e masave.

Qindra qytetarë protestuan pa maska mbrojtëse dhe I kërkonin qeverisë që ti lejojë të punojnë përsëri.

Nga protesta 2 policë kanë mbetur të plagosur, ndërsa 7 protestues janë arrestuar.

Restorantet, baret dhe kafenetë në Itali janë mbyllur deri në fund të prilli, kjo lëvizje ka ardhur pas një rritjeje të numrit të rasteve së të infektuarëve.