Merr fund ankthi, ulet në Rinas avioni i parë pas 24 orësh; mbërrijnë vaksinat anti-Covid

Ka marrë fund ankthi dhe ngërçi i krijuar prej dy ditësh në aeroportin kombëtar “Nënë Tereza”.

Burime për newsbomb bëjnë me dije se është ulur në pistën e aeroportit avioni i “Air Albania” me një ngarkesë vaksinash anti-Covid.

Në aeroport ndodhen dy ministret, e Shëndetësisë Ogerta Manastirliu dhe ajo e Infrastrukturës, Belinda Balluku.

Pezullimet në aeroportin e Rinasit ishin ndërprerë prej 24 orësh, pasi kontrollorët shqiptarë vendosën të mos ushtrojnë detyrën, me argumentin se ndiheshin të paaftë dhe të stresuar, pasi iu ishte ulur paga nga 4400$ në 2490$, për shkak të krizës së pandemisë.

Më herët ishte kryeministri Edi Rama i cili dha lajmin e mirë, për vaksinat që do të mbërrinin sot, pas një “lufte” komunikimi për ta mbajtur dhe ruajtur atë sasi vaksinash.

Leave a Reply

Your email address will not be published. Required fields are marked *