Palmer teston objektivat politike ndaj Reformës në Drejtësi

Nga Mero Baze

Zv.ndihmës sekretari i Shtetit të SHBA Mattheë Palmer zhvilloi sot një vizitë “virtuale” në Shqipëri. Ai pati fillimisht një takim me ata që i quajti “kampion të Reformës në Drejtësi” ku ishin një grup gazetarësh, pjestarë të shoqërisë civile, si edhe përfaqësues të sistemit të drejtësisë, ku bie në sy emri I Adrian Dvoranit, që kanë mbështetur Reformën në Drejtësi.

Më pas pati një takim me Presidentin Ilir Meta, Kryeministrin Edi Rama dhe kryetarin e Partisë Demokratike Lulzim Basha.

Edhe pse bisedat ende nuk janë bërë publike, fokusi I debatit është garancia politike që zgjedhjet e reja të mos ndikojnë negatvisht në të ardhmen e Reformës në Drejtësi.

Përpara zgjedhjeve ka dy qëndrime politike ndaj Reformës në Drejtësi. E para është ajo e qeverisë dhe mbështetësve të Reformës në Drejtësi, të cilët angazhohen për ngritjen dhe plotësimin e institucioneve si dhe ruajtjen e pavarësisë së saj.

Qëndrimi tjetër është ai I Ilir Metës dhe Sali Berishës, që angazhohen në anulimin e Reformës në Drejtësi dhe premtimin për arrestimin e Adrian Dvoranit, sipas Ilir Metës, si shkelës I kushtetutës.

Kryetari formal I Partisë Demokratike Lulzim Basha nuk I është bashkuar formalisht qëndrimit të Metës dhe Berishës dhe është deklaruar se do mbaj larg duart nga Reforma në Drjetësi.

Me këto qëndrime ambige, opozita e bën krejt të pasigurt të ardhmen e Reformës, pasi fuqia reale e opozitës nuk është Lulzim Basha, por Sali Berisha dhe Ilir Meta.

Deri më sot Lulzim Basha nuk ka bërë asnjë koment për qëndrimet e Metës dhe Berishës kundër reformës, duke I anashkalur ato.

Në këto kushte, zoti Palmer, do ta ketë të vështirë ti marrë “besën” Berishës dhe Metës për Reformën, por thjeshtë duhet tua bëj të qartë se ata dhe SHBA presin gjëra të ndryshme nga këto zgjedhje.

Zoti Palmer nga Berisha konsiderohet “antishqiptar”, se sipas Berishës “është dhëndër I Serbisë”. Në fakt I tillë është dhe Berisha, por nuk kemi ndonjë ankesë nga vjerra e tij, por nga ai vet.

Ndërsa nga Ilir Meta, Palmer perceptohet si një nga ata “mafjozët ndërkombëtarë që duan të shkatërrojnë Shqipërinë”, aq më tepër që thërret në takime dhe Adrian Dvoranin. Sa herë që Ilir Meta kërkon ti dërgoj sinjale lufte SHBA, të akuzoj ambasadoren këtu, apo zyrtarë të lart në Uashingotn, sa herë kërkon të ndërtoj Republikën e tij kundër “Republikës së ambasadorëve dhe mafias ndërkombëtare”, ai e ilustron luftën me Adrian Dvoranin. Atë e ka si armik në dispozicion kundër SHBA.

Realisht urrejtja e Berishës dhe Metës për Palmerin lidhet me bojkotin e parlamentit dhe zgjedhjet e vitit 2019, pasi qëndrimi I tij I prerë u dogji skenarin kundër reformës në drejtësi, kur ajo sa kishte nsiur të ndërtonte institucionet e para.

Këto zgjedhje, thjeshtë do përmbyllin këtë proces.

Sali Berisha dhe Ilir Meta, kanë objektiv të kundërt me SHBA për këto zgjedhje. SHBA pret nga këto zgjedhje që fituesit ta çojnë më përpara Reformën në Drejtësi. Berisha dhe Meta presin të fitojnë për ta anuluar atë.

Tani do ta ndajnë shqiptarët./tema.net