SPAK gati arrestimin e krye-grevistit të Rinas: Ka ndërtuar 2 pallate në Shkodër dhe drejton fushatën e PD

Aeroporti i vetëm ndërkombëtar i Shqipërisë sot nuk punon dhe për këtë arsye vaksinat e programuara për të mbërritur ditën e sotme, si dhe nje grup ushtaresh amerikane, mes mijera pasagjereve te tjere nuk kanë mundur të vijnë. Midis punëtorëve që kanë shkelur ligjin, duke bojkotuar ditën e punës edhe pse qartësisht u ndalohet ligjërisht ta bëjnë, ashtu si edhe mjekët e urgjencës, zjarrëfikësit apo policët është edhe Nikolin Kujxhia, ish-drejtori i Jozefina Topallit në Parlament dhe person i afërt me Partinë Demokratike.

Kujxhia punoi për tetë vite në administratën e Kuvendit gjatë kohës së Topallit si kryetare dhe pas largimit në vitin 2013 nisi një karrierë të re, këtë herë në kompaninë e Albcontrol.

Ndërmjet dy karrierave, në vitin 2015, Kujxhia u bë një emër i njohur për mediat kur fitoi në mënyrë të jashtëligjshme një truall në Shkodër, nga i cili përzuri me vendim gjykate 20 familje që jetonin në këtë territor në mënyrë të ligjshme. Në atë kohë, “Balkanweb” raportoi: Një nga protestuesit, Ndokë Qepuri pohoi për “Gazeta Shqiptare” se Nikolin Kujgjia, ish-drejtor administrativ për 8 vite në parlamentin shqiptar, ka falsifikuar dokumentet përmes Gjykatës së Shkodrës dhe do t’i nxjerrë ata nga banesat. “Ky person është i njohur i ish-kryetares së Kuvendit, Jozefina Topalli dhe ka mbështetjen e saj. Ai zotëron shumë prona në Shkodër dhe si për të mos i mjaftuar ato, do të na dëbojë me forcë nga këtu. Por, ne jemi të vendosur që të mos i lëshojmë banesat dhe së bashku me gratë e fëmijët do të vetëflijohemi”, – tha Qepuri.

Gjashtë vite më pas, për vendimin abritrar të Gjykatës, SPAK nisi një hetim fale edhe kembenguljes disa-vjeçare te zotit Qepuri, mbi bazën e të cilit ka kërkuar në datën 7 mars arrestimin e Prokurorit Ermir Lelçi. https://in-front.org/spak-gati-prangat-per-prokurorin-ermir-lelci-publikohet-prova-si-hetoi-dhe-favorizoi-bashkeshorten-e-tij/ Së bashku me kontrollorin e Albcontrol, rezulton se përvetësuan truall në mënyrë të paligjshme, edhe tre familjarë të tij, Justereza Kujxhija, Marije Kujxhia, Çeçiljana Kujxhia.

Ndërsa dosja është ende nën hetim, ekzistojnë dyshime të forta se Kujxhia përdori lidhjet e tij politike për të përfituar plot 4 mijë metra katrorë në mënyrë të paligjshme. Ndërsa sot, ekzistojnë përsëri dyshime të forta se bojkoti i paparalajmëruar motivohet nga arsye politike. Pothuajse të gjithë punonjësit e Albcontrol janë emëruar përpara vitit 2013 dhe prej vitesh kanë gëzuar benefite të rralla në tregun shqiptar të punës.

Protesta e sotme u motivua, sipas punonjësve të Albcontrol, nga shkurtimi i përkohshëm i pagës nga 4.400 euro në muaj, në 2.400 euro, për shkak të rënies së të ardhurave të kompanisë si pasojë e tkurrjes së fluturimeve në periudhën e pandemisë. Megjithatë, përkimi i bojkotit me mbërritjen e pritshme të dozave të reja të vaksinës dhe mbërritjes së një grupi ushtarësh amerikanë, në kuadër të një stërvitje që do të mbahet më pas gjatë muajit ka ngjallur dyshime të forta për motivet politike të protestës.

De jure, Nikolin Kujxhia është gjithashtu midis personave të irrituar për këtë reduktim page. Një investigim i Lexo.al ngre dyshime edhe për mënyrën se si shumë punëtorë të Albcontrol janë punësuar në të shkuarën. Të dhënat publike në Linkedin tregojnë se një prej drejtuesve më të lartë të Albcontrol është punësuar fill pasi ka mbarruar studimet në akademinë detare. Megjithatë, nëse ai të paktën ka pasur lidhje me transportin ndërkombëtar, drejtues të tjerë kanë diploma për gjeografi, kimi, psikologji, madje mes tyre edhe një drejtor veteriner.

Leave a Reply

Your email address will not be published. Required fields are marked *