“Zgjidh numrin 13”, Albin Kurti thirrje demokratve në Shqipëri: Votoni Bojken Abazin

Kryeministri i Kosovës Albin Kurti, përmes një mesazhi në rrjetet sociale shpreh mbështetjen dhe njëkohësisht i bën thirrje shqiptarëve në Tiranë të votojnë kandidatin e pavarur Bojken Abazi.

Kuri nuk kursen lavdet për Abazin që ka mbajtur më herët një sërë postesh të rëndësishme në Lëvizjen Vetëvendosje, teksa thotë se ai është i pakorruptueshëm dhe i palodhshëm.

Mesazhi i plotë i Kurtit drejtuar votuesve shqiptarë:

Miku e bashkëveprimtari im, Boiken Abazi, garon për deputet në Tiranë. Boikeni është kandidat i pavarur, numri i tij në fletën e votimit është 13.

E njoh Boiken Abazin prej shumë vitesh, e qysh prej 2010 ai ka mbajtur pozita të larta drejtuese në Lëvizjen VETËVENDOSJE! Së fundi udhëhoqi Sekretariatin për Marrëdhënie me Jashtë, dhe falë tij, sot organizata jonë është e njohur ndërkombëtarisht.

Boikeni është njeri me etikë të lartë pune. I pakorruptueshëm, por edhe i palodhshëm. Ai është e kundërta e populistit, është njeri i fjalëve shumë të matura, sepse vazhdimisht dëshiron ta mbështesë qëndrimin me argumente të forta logjike.

Boikeni përfaqëson vlerat e një socialdemokracie të re për Shqipërinë – larg pazareve me monopolistët, kundër pabarazisë neoliberale, dhe solidar me qytetarët, aktivistët, punonjësit, të papunët e studentët.

Në fletën e votimit të Qarkut të Tiranës për zgjedhjet e 25 prillit e gjeni lehtë në fund të fletës, me numrin 13, aty ku shkruan “Kandidat i Pavarur Boiken Abazi”.

Leave a Reply

Your email address will not be published. Required fields are marked *