Edi Rama u shtriu dorën për bashkëpunim në qeverinë e re, vjen përgjigja e parë nga Partia Demokratike: Ai nuk ka limite!

Kryeministri Edi Rama ka përsëritur dhe një herën sot ftesën për bashkëpunim me Partinë Demokratike, në qeverinë e re që do të fillojë punë në shtator dhe e dalë nga zgjedhjet e 25 prillit.

“Dora jonë për ta do jetë e shtrirë. Ftesa jonë për ta është e hapur”, shkroi Rama në Twitter mesditën e sotme, pak pas deklaratës së Lulzim Bashës, i cili e quajti 25 prillin “masakër elektorale”.

Përgjigja e parë nga Partia Demokratike për “dorën e bashkëpunimit” të PS ka ardhur pasditen e sotme. Demokratja Grida Duma është shprehur se “qimja ndërrohet por zakoni jo”,

“Kur e ke prerë mendjen që ky njeriu ky është, nuk do ta çosh ne riedukim. Qimja ndërrohet por zakoni jo. Ai nuk ka limite”, tha ajo, duke hedhur poshtë zërat për një bashkëpunim të mundshëm PS-PD në qeverinë e re.

Leave a Reply

Your email address will not be published. Required fields are marked *