“Janë shpërndarë para nga zyra jote, bandat në dispozicion”, Pjerin Ndreu i përgjigjet “LIVE” Mark Markut: Shihemi në….

Deputeti i ardhshëm i Kuvendit të Shqipërisë, Mark Marku ka akuzuar sot në “Opinion” kreun e Bashkisë së Lezhës, Pjerin Ndreun se e vuri pushtetin e tij lokal në shërbim të zgjedhjeve të 25 prillit për qeverinë e Ramës.

Marku tha se është abuzuar me fondet e tërmetit duke shtuar se janë shpërndarë para edhe nga zyrat e Pjerin Ndreut.

Sipas tij ka pasur punësime deri në ditët e fundit para zgjedhjeve ndërsa legalizimet janë shpërndarë në mënyrë preferenciale.

“Blerja e votës. Blerje përmes fondeve publike. Në qarkun e Lezhës janë investuar 20 milionë euro për tërmetin përmes të cilave është tentuar të blihet vota sepse janë shpërndarë në mënyrë preferenciale. Jepi 5 milionë lekë dikujt që i është dëmtuar shtëpia nga tërmeti, dikujt 20 milionë, dikujt një apartament. Aty në Laç ne do kishim marrë më shumë vota. Manipulimet kanë funksionuar atje ku diferenca është e vogël. Ne mund të kishim shkuar drejt mandatit të gjashtë në Lezhë nëse nuk do kishte manipulime. Administrata ka qenë në funksion. Janë futur në punë ditët e fundit për vota. Legalizimet kanë qenë në funksion të votës. Janë shpërndarë para nga zyra e Pjerin Ndreut plus bandat që i kanë pasur në dispozicion”, deklaroi Marku.

Pas këtyre akuzave në studio, ka ndërhyrë kryebashkiaku i Lezhës Pjerin Ndreu i cili i ka dërguar një mesazh moderatorit të emisionit duke paralajmëruar Mark Markun se do ta hedhë në gjyq.

“I thuaj Markut që bëri një deklaratë paskrupullt dhe do shihemi në gjyq”, citoi Blendi Fevziu Pjerin Ndreun.

Leave a Reply

Your email address will not be published. Required fields are marked *