“Nuk keni bërë asgjë për sportin”, debat mes Fidel Yllit dhe Andi Lilës: Nuk e keni lexuar ligjin e bërë në 2013-tën, Arena Kombëtare ishte meritë e jona

Ish-deputeti socialist Fidel Ylli u zgjodh pak javë më parë në krye të Komitetit Olimpik Kombëtar Shqiptar.

Ai ishte i ftuar sonte në emisionin “Procesi Sportiv”, teksa përballë kishte ish-futbollistin e Kombëtares, Andi Lila dhe që në 25 prill ka kandidoi në rradhët e Partisë Demokratike për t’u bërë deputet.

Fidel Ylli dhe Andi Lila kanë debatuar me njëri tjetrin, rreth asaj çfarë qeveria ka bërë apo jo, për sportin gjatë këtyre viteve.

PJESË NGA DEBATI:

Andi Lila: Kur kam parë Ilir Sulin dhe intervistën e tij, kam qarë. Makineria e mazhorancës ishte në shërbim të zotit Fidel gjatë zgjedhjeve të KOKSH-it. Ne thamë që prisni deri sa të mbarojnë zgedhjet, për Asamblenë e Jashtëzakonshme të KOKSH, por jo, u mbajtën zgjedhjet një javë. Unë di çfarë nuk ndodhi këto 8 vite, me sportin që është lënë mbrapa. Këtu nuk ka terrene sportive.

Fidel Ylli: Arena Kombëtare ishte meritë e qeverisë tonë. Gjithashtu, edhe stadiumi i Elbasanit, i Kukësit.

Andi Lila: Nuk keni bërë asgjë.

Fidel Ylli: E dini ju një ligj që është bërë në 2013-tën. E keni statusin e sportistit. Qeveria ju ka dhënë ju miliona dollarë shpërblime. Ky nuk e di ligjin. Çfarë lidhje ka bashkia e Romës me futbollin, për shembull. Ja po të pyes ty.

Andi Lila: Rama thotë se sportistët trajtohen si skllevër.

Fidel Ylli: Ne i kemi dhënë lekë të gjithë sportistëve, një më një. Mos spekulo. Por tani nuk duhet që bashkia të ketë lidhje me ekipin, të paguhen futbollistët mijë dollarë nga taksat e qytetarëve. Kjo nuk do jetë më, kemi bërë ligjin ne.

Leave a Reply

Your email address will not be published. Required fields are marked *