“Po atje ku ke fituar i njeh zgjedhjet?”, Artan Fuga ka 5 pyetje për Lulzim Bashën: Do i djegësh prapë mandatet?

Akademiku i njohur Artan Fuga ka shtruar pesë pyetje të cilat thotë se janë gazetarët që duhet t’ja bëjnë z.Basha, por mesa duket janë ndërtuar në formën e disa pyetjeve të hapura që vetë Fuga ia bën kreut demokrat.

E paqartë është shprehja “nuk i njohim zgjedhjet”, pasi profesor Fuga thotë se që të mos njohësh zgjedhjet do të thotë të djegësh mandatet dhe të mos shkosh në parlament.

I paqartë gjithashtu mbetet dhe qendrimi i partive të tjera aleate, nga disa prej të cilëve demokratë si Salianji apo Grida Duma janë shprehur të zhgënjyer.

Shënimi i plotë i Artan Fugës

Interesante deklarata e zotit Lulzim Basha sot me kryetarët e rretheve!

Pesë pyetje lindin që mediat dhe gazetarët duhet të bëjnë për të na sqaruar ne të tjerëve :

1. Po atje ku i ka fituar mandatet a i njeh zgjedhjet? Apo nuk njeh vetëm atje ku nuk ka fituar?

2. Të mos njohësh zgjedhjet, logjikisht, me logjikën më elementare, nuk do të shkosh në Kuvend. A do të digjen pra mandatet, a do të hyjmë përsëri atje ku ishim?

3. Po deputetët çfarë thonë? A janë pyetur? Po partitë e tjera opozitare? Se partia nuk i njeh, por ligja njeh deputetin jo partinë.

4. A nuk do të kishte qenë më mirë që me këto kushte që diheshin, të mos kishte hyrë në ato zgjedhje, dhe jo të hynte dhe të deklaronte mosnjohjen pas rezultatit?

5. Kur nuk i njeh, a propozon zgjedhje të reja, apo çfarë? Se ne si qytetarë duam të dimë çfarë do bëhet. Cfarë do të bëjë opozita?

Leave a Reply

Your email address will not be published. Required fields are marked *