Porti turistik i Durrësit merr vëmendje në CNN, Alabbar: Shqipëria ka potencialet e duhura të tërheqë investime të huaja

Media e njohur CNN i ka bërë jehonë lajmit të investimit gjigand që do të bëjë Mohamed Alabbar themelues dhe pronar i kompanisë EMAAR, plot 2 miliardë dollarë në Portin e ri Turistik të Durrësit.

Mohamed Alabbar në intevistën për CNN e quan Shqipërinë “Europa e re”, teksa thotë se vendosi të investojë në Durrës pasi në vendin tonë janë të gjitha potencialet e duhura për të bërë investime të mëdha.

“Europa  e re më tërheq shumë mua. Kur shikoj Shqipërinë shoh që të gjithë indikatorët janë pozitivë. Të gjithë këto qytete kanë një rritje ekonomike fantastike”.

Në lidhje me investimin madhor në Portin e Durrësit ai tha se do të përfshihen hotele, dyqane, port turistik dhe shumë aktivitete të tjera.

“Besoj se këto investime madhore mund të jenë të suksesshme kudo në botë, nëse i bën me dëshirë me partnerët e duhur. Ne do të krijojmë portin më të madh në detin Adriatik. Me qindra apartamente dhe dyqane dhe qendra tregtare. Ky investim për mua është një ëndërr që kam dhe po e bëj realitet”.

Leave a Reply

Your email address will not be published. Required fields are marked *